Тоглоомын чихэвчээ хэрхэн зөв сонгох вэ?
Тоглоомын чихэвчүүд маш олон төрлийн хэмжээ болон хэлбэртэй байдаг. Хамгийн гол нь та өөрийн хэрэгцээнд мөн тав тухад таарсан чихэвчийг сонгох нь чухал юм.
Та чихэвч худалдан авахаасаа өмнө дараах асуултуудыг өөрөөсөө эхлээд асуух хэрэгтэй:
1. Ямар тоглоомууд дээр энэ чихэвчийг ашиглах вэ?
2. Утастай эсвэл утасгүй алийг нь илүүд үзэх вэ?
3. Урт хугацаанд ашиглахад хэр тохиромжтой вэ?
4. Дууны гаргалт нь ямархуу вэ?
5. Микрофоны функцүүд нь ямар вэ?
1. Тоглоомын чихэвч худалдаж авахдаа хамгийн түрүүнд өөрөөсөө асуух ёстой зүйл бол аль тоглоомын платформ дээр тоглодог вэ? гэдгээ мэдэх юм. Учир нь хэрвээ та чихэвчний сонголтоо буруу хийсэн тохиолдолд тухайн тоглоомыг сэтгэл хангалуун тоглох боломжгүй болно гэсэн үг.
2. Утастай юу? Утасгүй юу?
Чихэвч үйлдвэрлэгч компаниуд өөрсдийн уламжлалт утастай чихэвчнүүдийн Wireless загваруудыг гаргах болсон. Мэдээж утастай болон утасгүй чихэвчнүүдэд давуу болон сул талууд бий.
Wireless чихэвчийг хэрэглэхийн тулд та байнга цэнэглэх хэрэгтэй болно. Мэдээж тоглож байхдаа юм уухаар босох О-ийн өрөө орох зэрэг асуудал гарахад та багийнхантайгаа ярилцсан хэвээр байх боломжтой. Орчин үеийн Wireless чихэвчүүд үзүүлэлтийн хувь утастай чихэвчнээсээ дутхааргүй болсон бөгөөд таны хэрэглээг бүрэн хангаж чадна. Сөрөг тал гэвэл цэнэглэх асуудал юм.
Харин утастай чихэвчийг хэрэглэснээр та цэнэглэх шаардлагагүй ба USB эсвэл 3.5mm холбогчоо компьютертоо залгаад л тоглоход бэлэн болно гэсэн үг. Утастай чихэвчнүүдийн бас нэг давуу тал бол ярих болон микрофоны ажиллагаа илүү сайн байдаг. Сөрөг тал гэвэл та босох үедээ чихэвчний утсаа таслах, гэмтээх эсвэл компьютероо эвдлэх магадлалтай.
3. Тав тух
Headband бол тоглоомын чихэвчний хамгийн чухал хэсгүүдийн нэг. Учир нь Gamers өдөрт дунджаар 4-5 цагийг тоглоход зориулдаг бөгөөд чихэвчний Headband хэсэг сайн материалаар мөн аль болох толгойнд бага даралт үзүүлэх технологоор хийгдсэн байх хэрэгтэй.
Харин чихэвчний Ear Cups-ийг шалгахдаа материал, хэлбэр мөн ямар дизайнаар хийгдсэнийг анхаарах нь чухал. Мэдээж хүн бүрийн чихний хэлбэр өөр учраас яг өөрийн онцлогт тохирсоныг сонгох хэрэгтэй.
Мөн та чихэвч сонгохдоо тухайн чихэвчний жин мөн ямар материалаар хийгдсэнийг сайн судлах хэрэгтэй.Одоо үед тоглоомчид илүү хөнгөн мөн хөлрөлт багатай технологоор хийгдсэн чихэвч сонирхох болсон.
4. Чихэвчний дугаралт
Stereo дугаралттай чихэвчнүүд 2 аудио сувгаар дууг дамжуулдаг бөгөөд хамгийн энгийн юм. Бүх тоглоомууд бараг стерео чихэвчнүүдтэй зохицож ажиллахаар байдаг. Стерео чихэвчнүүдийн давуу тал гэвэл тоглоомоос гадна дуу хөгжим сонсоход зориулагдсан байдаг. Сөрөг тал гэвэл тоглоомын дуу чимээг олон хэмжээст сонсох боломжгүй байдаг. Жишээлбэл эсрэг талын дайсан хаанаас ирж байгаа, хөлийн чимээ хаана гарч байгааг тодорхой мэдэхэд хэцүү.
Харин 7.1 Виртуал дугаралттай чихэвчүүд дуу чимээг 7 сувгаар дамжуулдаг ба тоглоомонд бол хөлийн чимээ хаанаас гарч байгаа зэрэг илүү тодорхой сонсогдоно.
5. Тоглоомын чихэвчний нэг чухал чанар бол зөвхөн дуу чимээ сонсохоос гадна багийнхантайгаа эсвэл найз нөхөдтэйгээ ярилцах, холбогдох юм. Үүний тулд дараах 2 үзүүлэлт чухал:
Noise Canceling: Таны дуу хоолой таны ярилцаж буй талд чанга бас цэвэрхэн сонсогдох чухал. Мөн ярилцах явцад таны гар болон хулганы мөн бусад дуу чимээ таны ярилцаж буй талд сонсогдохгүй байх хэрэгтэй.
Mute functions: Чихэвчний микрофонийг хаах эсвэл чангалах суллах товч, тохиргоотой эсэх. Энэ нь та тоглож байх үедээ ирсэн дуудлагад хариулах эсвэл хэн нэгэнтэй ярихын тулд микрофоноо идэвхгүй болгох зэрэгт хэрэгтэй.