DDR5 санах ой гэж юу вэ?
DDR5 бол дараагийн үеийн компьютерийн санах ой юм. DDR5 санах ой нь мэдээлэл дамжуулах хурд болон нягтралийн хувьд илт сайжирсан ба бага хэмжээний тог зарцуулахаар хийгдсэн.
Хэдэн ширхэг DDR5 санах ой тавих боломжтой вэ?
DDR4 төрлийн санах ойны хувьд багтаамжийн хувьд хамгийн дээд тал нь 32GB хүртэл байдаг.DDR5 санах ойны хувьд энэ үзүүлэлтийг 4 нугалхаар буюу 512GB хүртэл байхаар хийгдсэн. Энгийн процессорын эх хавтан 4 ширхэг 32GB нийт 128GB хүртэл авах чадалтай байдаг.
Процессорт 512GB санах ой хэрэгтэй юу?
Үгүй, Хэрэглэгчид болон тоглогчидод 16GB ихдээ 32GB-аас илүү санах ой хэрэггүй. 512GB санах ой нь өндөр технологи, шинжлэх ухааны судалгаа шинжилгээний ажил зэрэгт л хэрэг болно.
DDR5 санах ойны мэдээлэл дамжуулах хурд ямархуу байх вэ?
3200MHZ DDR5 санах ой нь 3200MHZ DDR4 санах ойноос дунджаар 36%-аар илүү мэдээлэл дамжуулах хурдтай болно. Харин 4800MHZ DDR5 санах ой 87%-аар илүү мэдээлэл дамжуулах хурдтайгаар хийгдсэн.
DDR5 санах ой хэр үнэтэй байх вэ?
Мэдээж шинэ технологи бүхэн өмнөх үеийн бүтээгдэхүүнээс үнэтэй байдаг шүү дээ. DDR5 санах ой DDR4 санах ойноос багадаа 30%-аар илүү үнэтэйгээр зах зээлд нийлүүлэгдэхээр байгаа. Энэ үнэ эрэлт нийлүүлэлт, түүхий эдийн үнээс шалтгаалан өсөх магадлалтай. DDR5 4800MHZ санах ой 311 ам доллар байсан бол DDR4 32GB санах ой 150-180 ам долларын үнэтэйгээр зарагдаж байна.
DDR5 санах ойг ашиглахын тулд миний одоо ашиглаж буй компьютер хангалттай юу?
Та шинээр гарсан интелийн 12th-gen “Alder Lake” CPU болон 600 серийн DDR5 санах ой дэмждэг эх хавтантай бол боломжтой.
DDR5 санах ой хэр баталгаатай вэ?
Хэрвээ та шинэ технологоос хоцрохыг хүсдэггүй бол DDR5 санах ой авахад харамсах зүйлгүй. Мэдээж шинэ технологи бүхэн илүү үнэтэй байдаг гэдгийг бас мартаж болохгүй.